თბილისში 28 მაისს დასრულდა საქართველოს პირველობა კიკბოქსინგში. შეჯიბრებაში ქართველ სპორტსმენებთან ერთად სომხეთის, აზერბაიჯანის, ირანისა და თურქეთის წარმომადგენლები მონაწილეობდნენ.

ტურნირში ხარაგაულის სპორტის განვითარებისა და მართვის მუნიციპალური ცენტრის (დირექტორი დავით გელაშვილი) ხუთი სპორტსმენი მონაწილეობდა.

ხარაგაულელმა სოფიო ჭანკოტაძემ ფინალი ნოკაუტით მოიგო და 57 კგ. წონით კატეგორიაში საქართველოს ჩემპიონის ტიტული მოიპოვა.

ვულოცავთ სოფიოს ამ წარმატებას და შემდგომ გამარჯვებებს ვუსურვებთ.

ფოტოზე: სოფიო ჭანკოტაძე მწვრთნელებთან – ზვიად კურტანიძესთან და მამუკა შარიქაძესთან ერთად