ძუძუთი კვება ჩვილისთვის საუკეთესო დასაწყისია – ის უზრუნველყოფს სრულფასოვან კვებას, აძლიერებს იმუნიტეტს და ხელს უწყობს ბავშვის ჯანსაღ ზრდასა და განვითარებას. ამასთანავე, ძუძუთი კვებას მნიშვნელოვანი სარგებელი მოაქვს დედის ჯანმრთელობისთვისაც.

კვირეულის მიზანია საზოგადოების ინფორმირება ძუძუთი კვების მნიშვნელობის შესახებ, მხარდამჭერი გარემოსა და შესაბამისი პოლიტიკის გაძლიერება, ასევე პროფესიონალებისა და საზოგადოების თანამშრომლობის ხელშეწყობა, რათა უფრო მეტმა დედამ შეძლოს ძუძუთი კვების წარმატებით დაწყება და გაგრძელება.

2026 წლის მსოფლიო კვირეულის მთავარი გზავნილია – „ძუძუთი კვება ცხოვრების მდგრადი დასაწყისისთვის: გავაძლიეროთ ის, რაც მუშაობს!“