ხარაგაულის მუნიციპალიტეტის თვითმმართველობას ცენტრალური ბიუჯეტიდან 7 410 596 ლარი გამოეყო. კერძოდ,

ა) საჯარო სკოლის მოსწავლეთა ტრანსპორტით უზრუნველყოფისთვის – 1 220 742 ლარი;

ბ) გზების კაპიტალური მშენებლობისათვის – 4 313 793 ლარი; წყლის სისტემის მოსაწყობად – 410 000 ლარი და მრავალბინიანი სახლების ფასადების რეაბილიტაციისათვის 126 259 ლარი (ამ ინფრასტრუქტურული პროექტებისთვის თანხა, – ჯამში 4 850 052 ლარი რეგიონებში განსახორციელებელი პროექტების ფონდიდან გამოიყო);

გ) საჯარო სკოლების მცირე სარეაბილიტაციო სამუშაოების დასაფინანსებლად – 396 157 ლარი (მათ შორის 2025 წელს აღებული ვალდებულებების შესასრულებლად 69 685 ლარი და 2026 წელში განსახორციელებელი პროექტებისათვის 326 471 ლარი);

დ) გზების კაპიტალური მშენებლობისათვის – 340 000 ლარი (მათ შორის, ხიდრის საუბნო გზის აღსადგენად – 160 000 ლარი, ბორის საუბნო გზის რეაბილიტაციისთვის – 180 000 ლარი);

ე) 2024 წელს მომხდარი სტიქიის შედეგების სალიკვიდაციო ღონისძიებებისთვის – 515 000 ლარი (მათ შორის ხარაგაულში თაბუკაშვილის, დეკანოსიძისა და გალაკტიონის ქუჩებზე საყრდენი კედლების მშენებლობისათვის – 247 415 ლარი; წერეთლის ქუჩაზე დაზიანებული სანიაღვრე არხის მოსაწყობად – 53 354 ლარი; ლაშის იგორეთში დაზიანებული გზების საყრდენი კედლებისა და ფერდის დატერასების მოწყობაზე – 214 231 ლარი);

ვ) ხევის საბავშვო ბაღის აღჭურვის მიზნით – 78 245 ლარი;

ზ) ხარაგაულის მუნიციპალიტეტს 10 400 ლარი გამოეყო მთავრობის სარეზერვო ფონდიდან, მისი უწმინდესობისა და უნეტარესობის, სრულიად საქართველოს კათალიკოს-პატრიარქის, ილია მეორის დაკრძალვის ცერემონიალზე დასასწრებად 21 და 22 მარტს ტრანსპორტირების ხარჯების ასანაზღაურებლად.

ამ თანხების ადგილობრივ ბიუჯეტში ასახვისთვის საჭიროა საბიუჯეტო ცვლილება, რომელსაც ხარაგაულის მუნიციპალიტეტის საკრებულო 6 აპრილის სხდომაზე განიხილავს.