პამიდორის დაავადებათაგან გავრცელებულია ფიტოფტოროზი და ალტერნარიოზი:

  • ფიტოფტოროზის დაავადება აზიანებს ძირითადად ფოთლებს, ზოგჯერ ნაყოფსაც. ფოთლებზე წარმოიქმნება მუქი რუხი უფორმო ლაქები. ტენიან ამინდში ფოთლების ქვედა მხარეს წარმოიქმნება თეთრი ნაფიფქი. ფოთლის და ნაყოფის დაავადებული ადგილები მუქდება და ლპება.
  • ალტერნარიოზის დაავადების დაწყებისას ფოთლების ქვედა მხარეს ჩნდება მუქი რუხი ფერის კონცენტრირებული ლაქები. პატარა, მუქი, წაგრძელებული ლაქები ჩნდება აგრეთვე ახალგაზრდა მცენარის ღეროს ქვედა ნაწილშიც. მუქი ლაქები, შავი ნაფიფქით წარმოიქმნება ნაყოფზეც.

დაავადების ნიშნების აღმოჩენისას დაზიანებული ნაწილი უნდა შეიჭრას და გაიტანოს ბაღიდან.

შეწამვლა მნიშვნელოვანია როგორც ჭრაქის, ასევე ნაცრის წინააღმდეგ. მათ საწინააღმდეგოდ გამოიყენება როგორც ქიმიური, ასევე ბიოლოგიური საშუალებები.

ქიმიური საშუალებებია: რიდომილ გოლდი 0,35%-იანი და ანტრაკოლი 0,35%-იანი ხსნარი.

ბიოლოგიური: ოქსიქლორი 0,5%-იანი, ბორდოს ნარევი 1,5%-იანი ან შაბიამანი 1,5%-იანი.

ბიოლოგიურზე მეტად სუფთაა ბაქტერიული საშუალებები, ესენია: ფიტოკატენა (1,5%-იანი), აგროკატენა (1,5%-იანი) და ბიოკატენა (2%-იანი).

ფესვის ყელის სიდამპლის შემთხვევაში რეკომენდირებულია პრეპარატი ფინალი ან პროპაკული. დოზა: 100 ლიტრ წყალზე 250გრ 0,25%-იანი ხსნარი. თითოეულ ძირზე  200 მლ (ფესვში მისხმა).

ნაყოფის სიდამპლის საწინააღმდეგოდ გამოიყენება როგორც ქიმიური, აგრეთვე, ბიოლოგიური საშუალებები. ქიმიური: რომოლე 0,1-0,15 %-იანი, რითმი- 1,25-1,5 %-იანი ხსნარი.  ბიოლოგიური: ბიოკატენა 2%-იანი.

აღნიშნული პრეპარატებისა და შესაბამისი კონსულტაციების მისაღებად შეგიძლიათ მიმართოთ აგრომაღაზიებს. დეტალური ინფორმაციისათვის აგრეთვე მიმართეთ აგრომაღაზიებს შემდეგ მისამართებზე: ქ. ზესტაფონი, რუსთაველის ქ. N69; აღმაშენებლის N54 და სპს „ლურსმანაშვილი“ სოფ. არგვეთა.

სოფლის მეურნეობის სამინისტროს ხარაგაულის მუნიციპალიტეტის  საინფორმაციო-საკონსულტაციო სამსახური