„ჩემი ხარაგაულის“ ჟურნალისტმა თამარ ჩხიკვაძემ რეპორტიორ ქალთა აკადემიის მიერ გამოცხადებულ კონკურსში გაიმარჯვა.

კონკურსი თემაზე – ქალები და სხვადასხვა კრიზისული სიტუაციები (დისკრიმინაცია, კონფლიქტი, ეკოლოგია, მიგრაცია, ძალადობა, ქალთა სამოქალაქო და პოლიტიკური მონაწილეობა) გერმანიის საგარეო საქმეთა სამინისტროს მხარდაჭერით ჟურნალისტთა ასოციაციამ – „გენდერული მედია კავკასია“ და გერმანულმა ორგანიზაციამ „ანალიზისა და პოლიტიკის დიალოგის ინსტიტუტმა“ (IfAP) ჩაატარა.

თამარ ჩხიკვაძემ გაიმარჯვა სტატიით – „უსახლობა ომის ქვეყანაში“.

ამ კონკურსში საქართველოს სხვადასხვა რეგიონის მედიაორგანიზაციებში დასაქმებული ჟურნალისტებისგან მომზადებული 130 ჟურნალისტური ნამუშევარი მონაწილეობდა.

თამარ ჩხიკვაძე ცხრა გამარჯვებულს შორის დასახელდა.

ვულოცავთ თამარს ამ გამარჯვებას და შემდგომ წარმატებებს ვუსურვებთ.