დღეს, პირველ ივლისს, საერთაშორისო ფესტივალის „თეატრალური იმერეთის“ საზეიმო დახურვა გაიმართა.

პროფესიულმა ჟიურიმ სხვადასხვა ნომინაციებში გამარჯვებული სპექტაკლები დააჯილდოვა.

ხარაგაულის სახალხო თეატრმა ორ ნომინაციაში გაიმარჯვა – რეჟისორ ირინე ჩხეიძის სპექტაკლმა „დოდოს მოლოდინში“ გაიმარჯვა ნომინაციაში „საუკეთესო რეჟისურა“, ხოლო თავად ირინე ჩხეიძემ დაიმსახურა პრიზი ქალის მთავარი როლის საუკეთესოდ შესრულებისთვის.

ნომინაციების მიხედვით გაიმარჯვეს:

საუკეთესო სპექტაკლი – „უსამშობლო კაცი“ რეჟისორი მარიამ სიხარულიძე (ტყიბულის სახალხო თეატრი);

საუკეთესო რეჟისურა – რეჟისორ ირინე ჩხეიძეს „დოდოს მოლოდინში“ (ხარაგაულის სახალხო თეატრი);

საუკეთესო სცენოგრაფია – მამუკა ტყეშელაშვილს „სამანიშვილის დედინაცვალი“ (წყალტუბოს სახალხო თეატრი) და „ბინა“ (ბაღდათის სახალხო თეატრი);

საუკეთესო მუსიკალური გაფორმება – „ვალი“ (ვანის სახალხო თეატრი);

ქალის საუკეთესო მთავარი როლი – ირინე ჩხეიძე „დოდოს მოლოდინში“ (ხარაგაულის სახალხო თეატრი);

მამაკაცის საუკეთესო მთავარი როლი – გიგა ბუბუტეიშვილი „ვალი“ (ვანის სახალხო თეატრი);

საუკეთესო ახალგაზრდა მამაკაცი მსახიობი – გიგა აბულაძე – „თორმეტი განრისხებული მამაკაცი“ (სამტრედიის ეროსი მანჯგალაძის სახელობის დრამატული თეატრი);

საუკეთესო ახალგაზრდა ქალი მსახიობი – ლიზი მეფარიძე „ფაბრიკის გოგონები“ (თერჯოლის სახალხო თეატრი);

საუკეთესო ეპიზოდური როლი – მარიამ მელაძე „მერე რა რომ სველია სველი იასამანი“ (ხონის სახალხო თეატრი);

საუკეთესო ეპიზოდური როლი – ზურაბ ყურაშვილი „სამანიშვილის დედინაცვალი“ (წყალტუბოს სახალხო თეატრი);

ფესტივალის აღმოჩენა – საჩხერის სახალხო თეატრი „მრგვალი და მახვილი თავები;“

ჟიურის სპეციალური პრიზი – სამტრედიის ეროსი მანჯგალაძის სახელობის დრამატული თეატრი სპექტაკლისთვის „თორმეტი განრისხებული მამაკაცი“.

ამავე თემაზე 

ხარაგაულის სახალხო თეატრი ფესტივალზე „თეატრალური იმერეთი“ პრემიერით წარსდგა