საავტომობილო გზების დეპარტამენტის ინფორმაციით, რიკოთზე ავტოტრანსპორტის მოძრაობა დღეს, 12 აპრილს, მხოლოდ სატვირთო მანქანებისთვის აღდგება.

ხვალ, 13 აპრილის 07:00 საათიდან რიკოთის მონაკვეთზე მოძრაობა აღდგება დაწესებული სპეციალური რეჟიმით, კერძოდ:

07:00 საათიდან 19:00 საათამდე გადაადგილება დასაშვები იქნება მხოლოდ მსუბუქი ავტოტრანსპორტისთვის;

21:00 სთ-დან დილის 06:00 სთ-მდე მხოლოდ სატვირთო ავტომანქანები გადაადგილდებიან.

სატვირთო ავტომანქანები პატრულის მკაცრი ზედამხედველობით, ინტერვალებით, გაუჩერებლად და ცალმხრივად, მიმართულების შეცვლით იმოძრავებენ.

რიკოთის ავტობანი გუშინ, 11 აპრილს, სოფელ ხევთან მთიდან ქვათაცვენის გამო ჩაიკეტა.