რიკოთის საავტომობილო გზის 147-ე კმ-ზე (სოფელი ხევი), ქვათაცვენის გამო, გზის გაწმენდის საჭიროება დადგა.

ამის გამო, ჩუმათელეთი-ზესტაფონის მონაკვეთზე ყველა სახის ავტოტრანსპორტის მოძრაობა დროებით აკრძალულია.

გზის სავალი ნაწილის გაწმენდამდე, მსუბუქი ავტოტრანსპორტის მოძრაობა განხორციელდება გომი-საჩხერე-ჭიათურა-ზესტაფონის საავტომობილო გზის გავლით, ხოლო მისაბმელიანი და ნახევრადმისაბმელიანი ავტოტრანსპორტის მოძრაობა იკრძალება.

საავტომობილო გზის გაწმენდითი სამუშაოების დასრულებისთანავე, რიკოთის მიმართულებით მოძრაობა დაწესებული სპეციალური რეჟიმით აღდგება.

რიკოთის ავტობანი, სოფელ ხევში მეწყერის გამო, 30 მარტიდან 8 აპრილამდე ჩაკეტილი იყო.

წყარო