დღეს, 30 მარტს, გამთენიიდან, რიკოთის მშენებარე ავტობანზე, სოფელ ხევში მეწყერი ჩამოწვა. ამის გამო საავტომობილო გზა დაკეტილია.

პრობლემები შეექმნათ იმ მოქალაქეებს, რომლებიც ზესტაფონი-ხაშურის მონაკვეთზე გადაადგილდებიან – მასწავლებლები, რომლებიც ხაშურიდან და ზესტაფონიდან ძირულას ხეობის სოფლების სკოლებში ასწავლიან, სკოლებში ვერ მივიდნენ.

ამ დილით, ხარაგაულიდან თბილისის მიმართულებით მიკროავტობუსი მოლითი-ფონა-ჩუმათელეთის საავტომობილო გზით წავიდა.

ხევის ადმინისტრაციულ ერთეულში მერის წარმომადგენლის, ბესო გრიგალაშვილისგან მოპოვებული ინფორმაციით, მეწყერი იმ ადგილას ჩამოწვა, სადაც ახალი, #4 გვირაბი შენდება (რესტორან „ედემის“ მიმდებარედ). მისივე თქმით, მიმდინარეობს გზის გაწმენდითი სამუშაოები.

საავტომობილო გზების დეპარტამენტისგან მოპოვებული ინფორმაციით, ავტოტრანსპორტი გომი-საჩხერე-ჭიათურა-ზესტაფონის საავტომობილო გზის გავლით მოძრაობს.
რიკოთის მშენებარე ავტობაზე მეწყერი 13 მარტის კვირაში ორჯერ ჩამოიშალა – ვერტყვიჭალაში და უბისა-შორაპნის მონაკვეთზე.