საქართველოს გაზის ტრანსპორტირების კომპანიისგან მოპოვებული ინფორმაციით, იმერეთში 2023 წლის პირველ ნახევარში დასრულდება იმ სოფლების გაზიფიცირება, რომლებიც კომპანიამ 2022 წელს დაიწყო. ესენია:

  • ტყიბულის მუნიციპალიტეტში – ცუცხვათი;
  • ზესტაფონის მუნიციპალიტეტში – ილემი;
  • ჭიათურის მუნიციპალიტეტში – მორძგვეთი, სკინდორი, ეწერი, სალიეთი, ქვაციხე, საკურწე და რცხილათი.

2023 წლის გეგმით კი გათვალისწინებულია შემდეგი სოფლების გაზიფიცირება:

  • ჭიათურის მუნიციპალიტეტში – ხალიფაური, თაბაგრები, ზოდი, სვერი, ცხრუკვეთი, თვალუეთი, ხრეითი;
  • ზესტაფონის მუნიციპალიტეტში – კინოთი და მწყერისციხე.

ხარაგაულის მუნიციპალიტეტში 2023 წელს ორი სოფლის, კიცხის იგორეთისა და ლაშის იგორეთის, გაზიფიცირება იგეგმება.

სოფლად მცხოვრები მოსახლეობა გაზიფიცირებას, უკვე წლებია, უშედეგოდ ითხოვენ.

ზემო იმერეთიდან საჩხერის მუნიციპალიტეტში ყველა სოფელი სრულადაა გაზიფიცირებული.

ფოტოზე: ჭიათურა