საქართველოს გაზის ტრანსპორტირების კომპანიამ ხარაგაულის მუნიციპალიტეტის სოფლების ღარიხევის, წიფისა და ქროლის გაზიფიცირებისთვის ტენდერი აგვისტოში გამოაცხადა.

ამ სოფლებთან ერთად ტენდერში გამარჯვებულმა კომპანიამ გაზიფიცირების სამუშაოები ზესტაფონის მუნიციპალიტეტის სოფელ ილემში და ბორჯომის მუნიციპალიტეტის სოფლებში – დიდ მიტარბიში, ჩითახევში, ქვაბისხევსა  და დვირში  უნდა განახორციელოს.

სატენდერო წინადადებების მიღება უკვე დაწყებულია და 16 სექტემბერს დასრულდება.

დოკუმენტაციის თანახმად, ამ სოფლებში ბუნებრივი აირის ცენტრალური მაგისტრალის მოწყობა 410 კალენდარულ დღეში უნდა დასრულდეს.

2022 წელს ხარაგაულის მუნიციპალიტეტში ხუთი სოფლის (ღარიხევი, წიფი, ქროლი, კიცხის იგორეთი, ლაშის იგორეთი) გაზიფიცირება იგეგმება.