საქართველოსა და გერმანიის მთავრობების თანამშრომლობის ფარგლებში ხარაგაულის მუნიციპალიტეტში „სამოქალაქო ბიუჯეტირების პროგრამა“ მიმდინარეობს.

ამ პროგრამის ფარგლებში გამარჯვებული შვიდი პროექტიდან ხარაგაულის თვითმმართველობამ ტენდერი ხუთი პროექტის განხორციელებისთვის გამოაცხადდა. ეს პროექტებია:

  • ვერტყვიჭალაში ტრენაჟორებისა და ფანჩატურის მოწყობა (შესყიდვის სავარაუდო ღირებულება – 23 907 ლარი);
  • ღორეშაში მინი ფეხბურთის მოედნის მოწყობა (სავარაუდო ღირებულება – 27 367 ლარი);
  • დ. ხარაგაულში ფრენბურთის მოედნის მშენებლობა (სავარაუდო ღირებულება – 23 444 ლარი);
  • კიცხში ლილეს წყაროს მოწყობა (სავარაუდო ღირებულება – 7 224 ლარი);
  • „ხარაგაული ჩაიფიქრე“ ხარაგაულის სერზე ტურისტული ლოკაციის მოწყობა (სავარაუდო ღირებულება – 10 949 ლარი).

რა ბედი ელის სამოქალაქო ბიუჯეტირების პროექტის ფარგლებში ხარაგაულის აღმნიშვნელი დეკორატიული აბრების დამზადებისა და ფარცხნალში დევდარიანებისა და ლეჟავების უბანში წყლის ჭაბურღილის მოწყობას, –  ამ შეკითხვით ხარაგაულის მუნიციპალიტეტის მერის პირველ მოადგილეს, ვარლამ ჭიპაშვილს მივმართეთ.

მისგან მოპოვებული ინფორმაციით, სახელმწიფო დასახლებებისთვის აბრების მოწყობას მთელი საქართველოს მასშტაბით გეგმავს.

ვარლამ ჭიპაშვილი ამბობს, რომ ტენდერი ჭაბურღილის სისტემის მოწყობის მიზნით მალე გამოცხადდება. ფარცხნალში მცხოვრები მოსახლეობის გადაწყვეტილებით, პროექტის სრულყოფილად განხორციელებისათვის, დამატები სამუშაოები  სოფლის მხარდაჭერის პროგრამის ფარგლებშიც შესრულდება.

„სამოქალაქო ბიუჯეტირების პროგრამით“ შერჩეული ამ პროექტების განსახორციელებლად ხარაგაულის ბიუჯეტში 150 ათასი ლარია განსაზღვრული.