ხარაგაულის #1 საბავშვო ბაღის ჯგუფ „ნერგების“ აღმზრდელმა ია თაბუკაშვილმა პროექტის – „მამა მიკითხავს ზღაპარს“ ფარგლებში აქტივობის ჩატარება ხარაგაულის ისტორიულ მუზეუმში დაგეგმა.

„ნერგების“ აღსაზრდელები ახლა პირველყოფილი ადამიანის ცხოვრებას სწავლობენ. ამიტომ აღმზრდელმა ზღაპარიც სწორედ ამ თემაზე შეარჩია – „პირველი ადამიანები“.

მას შემდეგ, რაც მშობელმა ლაშა მაღრაძემ ბავშვებს ეს ზღაპარი წაუკითხა, მუზეუმის პატარა დამთვალიერებლებმა ზედა პალეოლითის ხანის ადამიანის მღვიმე-ნამოსახლის – „დევის ხვრელის“ შესახებ ინფორმაცია მოისმინეს და სამუზეუმო ექსპონატები დაათვალიერეს.

ხარაგაულის სკოლამდელ დაწესებულებათა გაერთიანება, მესამე წელია, პროექტს – „მამა მიკითხავს ზღაპარს“ ახორციელებს.

ხვალ, 18 მაისს, ხარაგაულის მუნიციპალიტეტში მოქმედ 21-ვე საბავშვო ბაღში მამები აღსაზრდელებს ზღაპარს წაუკითხავენ.