საქართველოს რეგიონებში განსახორციელებელი პროექტების ფონდიდან ხარაგაულის მუნიციპალიტეტს გზების რეაბილიტაციისთვის 2 775 762 ლარი გამოეყო.

ამ თანხით ხარაგაულში 19 გზის რეაბილიტაცია იგეგმება.

ხარაგაულის მუნიციპალიტეტის მერიიდან მოპოვებული ინფორმაციით, ბორითში გორგაძეებისა და ფაბრიკის უბნების, ლეღვანში ქვიანთის უბნისა და უბისაში საუბნო გზის რეაბილიტაცია  2021 წელს დაიწყო და წელს გრძელდება.

დანარჩენი 16 გზის კეთილმოწყობაზე ხარაგაულის თვითმმართველობამ ტენდერი უკვე გამოაცხადა.

  • ბორითში (გორგაძეების, ფაბრიკის უბანი) გზების რეაბილიტაცია – 36 853 ლარი;
  • ლეღვანში (ქვიანთი) გზის რეაბილიტაცია – 50 077 ლარი;
  • უბისაში საუბნო გზის რეაბილიტაცია – 63 018 ლარი;
  • ლეღვანში (ქვიანთი, II ეტაპი) გზის რეაბილიტაცია – 178 700 ლარი (იხილეთ ტენდერი);
  • ღორეშა–მარიამწყაროს გზის რეაბილიტაცია – 300 ათ. ლარი (ტენდერი);
  • მაქათუბანის ორ უბანში გზის რეაბილიტაცია (II ეტაპი) – 422 848 ლარი (ტენდერი);
  • ღარიხევში (ბრუისის უბანი) გზის რეაბილიტაცია – 150 ათ. ლარი (ტენდერი);
  • ბაზალეთში (მესხების უბანი) გზის რეაბილიტაცია – 150 ათ. ლარი (ტენდერი);
  • თეთრაწყაროში საუბნო გზების რეაბილიტაცია (II ეტაპი) – 270 639 ლარი (ტენდერი);
  • ფარცხნალში ბარის უბნის გზის რეაბილიტაცია (III ეტაპი) – 248 090ლარი (ტენდერი);
  • ვახანში (ინასარიძეების უბანი) გზის რეაბილიტაცია – 350 000 ლარი (ტენდერი);
  • კიცხში (ბერაძეებისა და ზვიადაძეების უბანი) გზის რეაბილიტაცია – 334 523 ლარი (ტენდერი);
  • უჩამეთში (მესერიძეების უბანი) საუბნო გზის რეაბილიტაცია – 315 785 ლარი (ტენდერი);
  • ლაშეში (ცქიტიშვილების უბანი) გზის რეაბილიტაცია – 153 296 ლარი (ტენდერი);
  • ხევში საუბნო გზის რეაბილიტაცია – 130 085 ლარი (ტენდერი);
  • ვერტყვილაში (გოგიაშვილების უბანი) გზის რეაბილიტაცია – 142 783 ლარი (ტენდერი);
  • მაქათუბანში (წიქარიშვილების უბანი) გზის რეაბილიტაცია – 109 234 ლარი (ტენდერი);
  • ქროლში საუბნო გზების რეაბილიტაცია – 216 2017 ლარი (ტენდერი);
  • ახალსოფლის ცენტრალური გზის რეაბილიტაცია (III ეტაპი) – 444 762 ლარი (ტენდერი).

2021 წლის დეკემბერში ხარაგაულის მუნიციპალიტეტის საკრებულომ მერიისგან წარდგენილი და 2022 წელს განსახორციელებელი 12 367 000 ლარი ღირებულების 47 პროექტი მოიწონა.