2 ოქტომბერს თვითმმართველობის არჩევნებზე მუნიციპალიტეტის მერებსა და საკრებულოებს ავირჩევთ.

ხარაგაულის მუნიციპალიტეტის 2021 წლის მოწვევის საკრებულო 33 წევრიანი იქნება. მათ შორის, 11 დეპუტატს  მაჟორიტარული წესით, ხოლო 22 დეპუტატს – პროპორციული წესით, ანუ პარტიული სიებით ავირჩევთ.

„ქართული ოცნება-დემოკრატიული საქართველოს“ რაიონული ორგანიზაციის თავმჯდომარის, მანანა ბარბაქაძესგან მოპოვებული ინფორმაციით, მაჟორიტარულ ოლქებში მათი პარტიის კანდიდატები იქნებიან:

  1. დაბა ხარაგაული – ბესიკ კვირიკაშვილი;
  2. ბორითი – ია პაქსაშვილი;
  3. ხუნევი – ლენა აბაშიძე;
  4. მოლითი – მერაბი ტალახაძე;
  5. საღანძილე – დავით კიკნაძე;
  6. კიცხი, ფარცხნალი – კიაზო გამრეკელაშვილი;
  7. ვარძია, წყალაფორთი, ხიდარი – შმაგი ხიჯაკაძე;
  8. ლაშე, სარგვეში, ღორეშა, ბაზალეთი – პავლე კიკალიშვილი;
  9. ნადაბური, ხევი – დოდო ხაჩიძე;
  10. ზვარე, წიფა – ვახტანგ ტალახაძე;
  11. ვახანი, ლეღვანი – ვერა ოდიკაძე.

ამ კანდიდატებიდან ექვსი ამჟამად მოქმედი საკრებულოს წევრია.

პროპორციულ სიას რაც შეეხება, „ქართული ოცნების“ პარტიული სიის ათეული ასე გამოიყურება:

  1. მანანა ბარბაქაძე;
  2. გოჩა გიორგიძე;
  3. ავთო კვინიკაძე;
  4. მარინა ხვედელიძე;
  5. ოთარ ლურსმანაშვილი;
  6. პაატა გოგოლაძე;
  7. ნონა ზურაბიანი;
  8. შალვა ლურსმანაშვილი;
  9. ამირან ოქრომჭედლიძე;
  10. ეკა შველიძე.

„ქართულმა ოცნებამ“ მერობის კანდიდატად ხარაგაულში მოქმედი მერი კობა ლურსმანაშვილი 29 ივლისს დაასახელა.