დმანისის მერი გიორგი ტატუაშვილი, რომელიც ამავდროულად „ქართული ოცნება – დემოკრატიული საქართველოს“ დმანისის რაიონული ორგანიზაციის თავმჯდომარე გახლდათ, ამ პარტიის სამდივნოს გადაწყვეტილებით, პარტიის რიგებიდან გარიცხეს.

პოლიტიკური გაერთიანება „ქართული ოცნება – დემოკრატიული საქართველოს“ განცხადებით, გარიცხვის მიზეზი პარტიული დისციპლინის უხეში დარღვევაა, რაც მის მიერ „ქართული ოცნების“ კონკურენტი კანდიდატის საარჩევნო კამპანიის მხარდაჭერაში გამოიხატა.