მეხუთე წელია, რაც ხელისუფლება ხარაგაულის მოსახლეობას #1 საბავშვო ბაღის შენობის გაზიფიცირებას დაჰპირდა.

საბავშვო ბაღის აღსაზრდელებს დღემდე შეშის ღუმელებით ათბობენ.

ხარაგაულის მუნიციპალიტეტის საკრებულოს განათლების, კულტურის, სპორტისა და ახალგაზრდულ საქმეთა კომისიის თავმჯდომარე დავით კიკნაძე ამბობს, რომ 2019 წლის ზაფხულზე #1 საბავშვო ბაღი გაზიფიცირდება.

ამ საკითხზე მან დღეს, 17 მაისს, საკრებულოს ბიუროს სხდომაზე ისაუბრა.

ხარაგაულის სკოლამდელ დაწესებულებათა გაერთიანების დირექტორი მამუკა ჭიპაშვილი ამბობს, რომ #1 საბავშვო ბაღის გაზიფიცირებისთვის 52 ათასი ლარია საჭირო. 30 ათასი ლარი გაერთიანების 2019 წლის ბიუჯეტში გათვალისწინებულია. 22 ათასი ლარის დასამატებლად კი გაერთიანების ადმინისტრაციამ მერიას გასულ კვირაში მიმართა.

ფოტოზე: საკრებულოს ბიუროს სხდომაზე