2019 წელს ხარაგაულის მუნიციპალიტეტში სტიქიის პრევენციისთვის ხუთ სოფელში გზის ნაპირსამაგრი კონსტრუქციები აშენდება.

ამ მიზნით ცენტრალური ბიუჯეტიდან მუნიციპალიტეტს 300 ათასი ლარი გამოეყო. ხარაგაულის მერიამ ეს თანხა შემდეგ სოფლებზე გაანაწილა:

  • ბორითში ანგარის უბნის ხიდის და გზის დამცავი კონსტრუქციის მშენებლობა – 90 000 ლარი;
  • ღორეშაში მდინარისაგან გზის დამცავი კონსტრუქციის მშენებლობა – 60 000 ლარი;
  • ლეღვანში სახიდე გადასასვლელის და გზის დამცავი კონსტრუქციის მშენებლობა – 50 000 ლარი;
  • ვარძიაში სახიდე გადასასვლელის კონსტრუქციის მშენებლობა – 50 000 ლარი;
  • ვანში მდინარისაგან გზის დამცავი კონსტრუქციის მშენებლობა – 50 000 ლარი.

ზემოთ ჩამოთვლილი ობიექტები დღეს, 21 მარტს, ხარაგაულის მუნიციპალიტეტის საკრებულომ სხდომაზე მოიწონა.

ფოტოზე: დეპუტატები მერიისგან წარდგენილ ობიექტებზე მსჯელობენ