სასკოლო სპორტული ოლიმპიადის რეგიონულ ტურში გეზრბენის შეჯიბრში ხევის საჯარო სკოლის გოგონათა გუნდმა (სპორტის მასწავლებელი მარლენ გრიგალაშვილი) მეორე ადგილი დაიკავა.

გოგონები ფინალურ შეხვედრაში ჭიათურის გუნდს დაუპირისპირდნენ.

ოლიმპიადის ფარგლებში, კალათბურთში, ვერტყვიჭალის საჯარო სკოლის გოგონების გუნდი 14 მაისს ტყიბულის გოგონათა გუნდთან მესამე ადგილისთვის იბრძოლებს.

სასკოლო სპორტული ოლიმპიადა, უკვე მეორე წელია, საქართველოს სპორტისა და ახალგაზრდულ საქმეთა სამინისტროს ინიციატივით ტარდება.

წელს სასკოლო სპორტული ოლიმპიადის რაიონული ტური ხარაგაულში სპორტის 12 სახეობაში ჩატარდა.

ფოტოზე: ხეველი გოგონები მასწავლებელთან ერთად.