ხარაგაულის მუნიციპალიტეტში 2016 წლის განმავლობაში ხანძრის 39 შემთხვევა დაფიქსირდა.  

ამის შესახებ ინფორმაცია საგანგებო სიტუაციების მართვის სააგენტოდან მოვიპოვეთ.

ამავე სამსახურის ინფორმაციით, ხანძრის შედეგად დაიღუპა ერთი და დამწვრობა მიიღო ერთმა ადამიანმა. განადგურდა 4 და დაზიანდა 6 შენობა-ნაგებობა. ხანძრების შედეგად მიყენებული ზარალი 73 400 ლარია.

ხარაგაულის მუნიციპალიტეტში ხანძრის შედეგად დაზიანდა 3 ჰა ტყის ფონდი, ხოლო 2 ჰა –  განადგურდა.

2016 წლის განმავლობაში ხარაგაულის სახანძრო-სამაშველო სამსახურმა 81 სამაშველო ოპერაცია განახორციელა; მათ შორის, – 27 ავტოსაგზაო შემთხვევის დროს ტალახიდან და ქვიშიდან ავტომანქანების ამოყვანა, სიმაღლიდან ვარდნის 10 შემთხვევაში მოქალაქეთა გადარჩენა, ერთი დაკარგული ადამიანის ძებნა და 43 სხვადასხვა სახის სამაშველო მოქმედებები.

ხარაგაულის სახანძრო-სამაშველო სამსახური სახანძრო და სამაშველო ოპერაციებს სამი ერთეული ტექნიკით – „ზილ131“; „ზილ 130“ და „პიკაპის“ ტიპის ავტომობილი, ახორციელებს.