საქსტატმა დღეს, 3 სექტემბერს, 2026 წლის აგვისტოში საქართველოში ინფლაციის შესახებ ინფორმაცია გამოაქვეყნა.

ამ ინფორმაციის თანახმად, აგვისტოში საქართველოში წლიური ინფლაცია 5.6%-მდე გაიზარდა. ეს წინა თვესთან შედარებით 0.1%-ით მეტია და ეროვნული ბანკის სამიზნე 3%-ს 2.6%-ით აღემატება.

საქსტატის თანახმად, ყველაზე მეტად საწვავის ფასი გაიზარდა, ასევე გაძვირდა სურსათი, კომუნალური გადასახადები და ჯანდაცვა.

ტრანსპორტი – ფასები გაიზარდა 15.2%ით, რაც წლიურ ინფლაციაზე 1.81 პროცენტული პუნქტით აისახა. ფასები მომატებულია პირადი სატრანსპორტო საშუალებების საწვავით ექსპლუატაციაზე (20.8 %) და სატრანსპორტო მომსახურებაზე (12.8%);

სურსათი და უალკოჰოლო სასმელები – ფასები გაიზარდა 5.0%ით, რაც წლიურ ინფლაციაზე 1.72 პროცენტული პუნქტით აისახა.

ფასები მომატებულია:

  • თევზეული (18.1%);
  • ხორცი და ხორცის პროდუქტები (9.8%);
  • ზეთი და ცხიმი (7.8%);
  • პური და პურპროდუქტები (7.1%);
  • ბოსტნეული და ბაღჩეული (5.5%);
  • ყავა, ჩაი და კაკაო (5.4%);
  • რძე, ყველი და კვერცხი (2.9%);
  • შაქარი, ჯემი და სხვა ტკბილეული (1.9%);
  • მინერალური და წყაროს წყალი, უალკოჰოლო სასმელები და ნატურალური წვენები (0.6%).

საცხოვრებელი, წყალი, ელექტრონერგია, აირი – ფასები მომატებულია 8.5%-ით, რაც 0.82 პროცენტული პუნქტით აისახა მთლიან ინდექსზე.

ფასები, ძირითადად, გაზრდილია:

  • ელექტროენერგია, აირი და სათბობის სხვა სახეები (10.3%);
  • საცხოვრებლის მიმდინარე მოვლა და შეკეთება (8.7%);
  • ფაქტიური გადასახადი საცხოვრებელზე (8.4%).

ჯანმრთელობის დაცვა – მოცემულ პერიოდში ჯგუფში ფასები გაიზარდა 5.2%ით, რაც ჯამურ ინფლაციაზე 0.44 პროცენტული პუნქტით აისახა.

ფასები გაიზარდა:

  • სამედიცინო პროდუქცია, აპარატურა და მოწყობილობა (8.7%);
  • ამბულატორიული სამედიცინო მომსახურება (2.4%).

წყარო