დღეს, 2 ივლისს, თეატრალური ფესტივალის „თეატრალური იმერეთის“ დაჯილდოება გაიმართა.

ხარაგაულის სახალხო თეატრმა, რომელიც ამ ფესტივალზე სპექტაკლით „ძარცვა იტალიურად“ წარსდგა, სამ ნომინაციაში გაიმარჯვა.

მამაკაცის მთავარი როლის ნომინაციაში გაიმარჯვა დავით ჭყოიძემ;

ქალის მთავარი როლის ნომინაციაში გაიმარჯვა ლია ჭიპაშვილმა.

ხარაგაულის სახალხო თეატრის რეჟისორმა ირინე ჩხეიძემ სპექტაკლისათვის „ძარცვა იტალიურად“ ჟიურის სპეციალური პრიზი დაიმსახურა.

ვულოცავთ ხარაგაულის სახალხო თეატრს ამ გამარჯვებას და შემდგომ წარმატებებს ვუსურვებთ.

„თეატრალური იმერეთი“ 24 ივნისიდან 2 ივლისის ჩათვლით მიმდინარეობდა და მასში იმერეთის რეგიონის 12-ვე მუნიციპალიტეტში მოქმედი თეატრები მონაწილეობდნენ.

ფესტივალის ნომინაციებში გამარჯვებულები არიან:

  • საუკეთესო სპექტაკლი – „ადამიანებო, მე თქვენ მიყვარხართ“ – რეჟისორი გოჩა კაპანაძე (ხონის სახალხო თეატრი);
  • საუკეთესო რეჟისურა – „უბედურება“ – რეჟისორი თორნიკე სულაბერიძე (ბაღდათის სახალხო თეატრი);
  • საუკეთესო სცენოგრაფია – ნანა რუხაძე – „ლუიჯის გული“ (სამტრედიის ეროსი მანჯგალაძის სახელობის დრამატული თეატრი);
  • საუკეთესო მუსიკალური გაფორმება – ბეგი ნიკოლეიშვილი სპექტაკლისთვის „კოსმიური ორკესტრი“ (საჩხერის სახალხო თეატრი);
  • მამაკაცის მთავარი როლი გოჩა ნიკოლაძე – „სოფლის აშიკი“ (წყალტუბოს სახალხო თეატრი);
  • ქალის ეპიზოდური როლი – ნინო ჭახნაკია – „ლუიჯის გული“ (სამტრედიის ეროსი მანჯგალაძის სახელობის დრამატული თეატრი);
  • მამაკაცის ეპიზოდური როლი – თამაზ გოგიშვილი – „ლუიჯის გული“ (სამტრედიის ეროსი მანჯგალაძის სახელობის დრამატული თეატრი);
  • ახალგაზრდა ქალი მსახიობი – ბარბარე კალატოზი – „განთიადამდე შეჩერებულები“ (თერჯოლის თეატრი);
  • ახალგაზრდა მამაკაცი მსახიობი – ბუბა სავანელი – „კოსმიური ორკესტრი“ (საჩხერის სახალხო თეატრი);
  • საუკეთესო ქორეოგრაფია – „ფიროსმანი“ (ტყიბულის მუნიციპალური თეატრი).

ამავე თემაზე

ხარაგაულის სახალხო თეატრის წარმატებული პრემიერა ქუთაისში