ახალგაზრდული ფესტივალის „გაზაფხულის ხარაგაული – 2026“-ის ფარგლებში ხარაგაულის კულტურისა და დასვენების პარკში სათავგადასავლო ტურ-თამაშები გაიმართა. ღონისძიებაში ხარაგაულის #2, ვერტყვიჭალის, მოლითის, მარელისის, ბორის, ბაზალეთის, წიფის, კიცხისა და ზვარის საჯარო სკოლის გუნდები მონაწილეობდნენ.

პირველი ადგილი ზვარის საჯარო სკოლის გუნდმა (პედაგოგი ცისია ლაცაბიძე) დაიკავა, მეორე  ადგილი – მარელისის საჯარო სკოლის გუნდმა (პედაგოგი გიორგი მაქაძე), ხოლო  მესამე ადგილზე წიფის საჯარო სკოლის გუნდი (პედაგოგი გოჩა კვინიკაძე) გავიდა.

„ტურ-თამაშების ფინალური ტური 25-26 აპრილს ბორჯომ-ხარაგაულის ეროვნულ პარკში უნდა გამართულიყო, – ამბობს კულტურის, ხელოვნებისა და შიდა ტურიზმის ცენტრის დირექტორი მამუკა ჭიპაშვილი, – თუმცა უამინდობის გამო ფინალური ტური აღარ გაიმართება. მაისის შუა რიცხვებში, ბორჯომ-ხარაგაულის ეროვნულ პარკში ორ დღიანი ლაშქრობა-ტური გაიმართება, დღევანდელ თამაშში გამარჯვებული სკოლის გუნდებისთვის. სურვილის შემთხვევაში, ამ ლაშქრობაში მონაწილეობის შესაძლებლობა სხვა მონაწილეებსაც შეეძლებათ“.

ახალგაზრდული ფესტივალი „გაზაფხულის ხარაგაული 2026“ 16 აპრილს დაიწყო.

ტურ-თამაშების ამსახველი ფოტორეპორტაჟი იხილეთ სოციალურ ქსელში.