„სულაკაურის გამომცემლობა“ უერთდება კამპანიას – „სინათლე არ უნდა ჩაქრეს!“

„ვუერთდებით გამომცემლობა „მატარებლის“ ინიციატივას და 14-16 ნოემბერს თბილისის წიგნის დღეებზე ქართული პროზის გაყიდული წიგნებიდან შემოსული თანხის ნაწილს გადავურიცხავთ დამოუკიდებელ მედიებს.

მათი ძლიერი შუქი ჩვენთვის, ჩვენი ქვეყნისთვის სასიცოცხლოდ მნიშვნელოვანია“.

„სინათლე არ უნდა ჩაქრეს“ – 22 დამოუკიდებელი ონლაინ გამოცემის ერთობლივი კამპანიაა, რომლის მიზანიც დამოუკიდებელი მედიის დასაცავად მხარდამჭერების გაერთიანებაა. პლატფორმაზე – sinatle.media ერთ ანგარიშზე ჩარიცხვით მათი მხარდაჭერა ერთად არის შესაძლებელი.