საერთაშორისო ფესტივალი „თეატრალური იმერეთი“ 18 ივნისიდან 2 ივლისის ჩათვლით გაიმართება.

ფესტივალზე სპექტაკლებს იმერეთის 12-ვე მუნიციპალიტეტში მოქმედი თეატრები წარადგენენ.

„თეატრალურ იმერეთს“ 18 ივნისს 19:00 საათზე ქუთაისის ლადო მესხიშვილის სახელობის სახელმწიფო თეატრი გახსნის სპექტაკლით „იმერული რექვიემი“. 2 ივლისს ფესტივალს დახურავს ჭიათურის აკ. წერეთლის სახელობის სახელმწიფო თეატრი სპექტაკლით „ცხოვრება თამაშია“?!

საერთაშორისო ფესტვალზე წელს სტუმრად იქნებიან: ლიეტუვადან – კაუნასის მუნიციპალური თეატრი (19 ივნისი), აზერბაიჯანიდან – კახის ი. ჭავჭავაძის სახელმწიფო თეატრი (21 ივნისი), იტალიიდან – ნაპოლის ექსპერიმენტული თეატრი (27 ივნისი). სპეციალური სტუმარია რუსთაველის ეროვნული თეატრი (29 ივნისი).

ხარაგაულის მუნიციპალიტეტის ოთარ აბაშიძის სახელობის სახალხო თეატრი 30 ივნისს 19:00 საათზე წარადგენს სპექტაკლს „მშვიდობით, თემურ“!

ტრადიციული ფესტივალი „თეატრალური იმერეთი“ წელს მეთექვსმეტედ ტარდება და მას ქუთაისის ლადო მესხიშვილის სახელობის სახელმწიფო თეატრი მასპინძლობს.