ხარაგაულის ცენტრალურმა ბიბლიოთეკამ ასი ახალი წიგნი შეიძინა.

„კულტურის, ხელოვნებისა და შიდა ტურიზმის განვითარების ცენტრის“ (დირექტორი მამუკა ჭიპაშვილი) საბიბლიოთეკო მიმართულების ხელმძღვანელი ნანა ლურსმანაშვილი ამბობს, რომ ახალი წიგნები ამ ააიპ-ის ბიუჯეტიდან იყიდეს.

ახალი წიგნების ჯამური ღირებულება 2 ათასი ლარია.

უახლოეს დღეებში საბიბლიოთეკო გაერთიანება 900 ლარიანი ვაუჩერით ახალი წიგნების შეძენას კიდევ აპირებს. „კულტურის, ხელოვნებისა და შიდა ტურზმის განვითარების ცენტრის“ ბიუჯეტიდან წიგნების შესაძენად კიდევ 3 ათასი ლარია განსაზღვრული.

ნანა ლურსმანაშვილის ინფორმაციით, მეორე ეტაპზე შეძენილი წიგნები საბავშვო და სოფლებში მოქმედ ყველა ბიბლიოთეკაში მკითხველების მოთხოვნის შესაბამისად გადანაწილდება.