ხარაგაულის მოსწავლე-ახალგაზრდობის სახლის (დირექტორი ჰამლეტ ბერაძე) საესტრადო სიმღერის წრის გოგონათა გუნდმა II პრემია და ლაურეატის წოდება მიიღო ქალაქ ხობის ხელოვნების კონკურს-ფესტივალზე – „ჰარიდა 2025“. გოგონათა გუნდს პედაგოგი დარეჯან გვაძაბია ხელმძღვანელობს.

ფესტივალში დასავლეთ საქართველოში მოქმედი მომღერალთა გუნდები მონაწილეობდნენ.

ხარაგაულის მოსწავლე-ახალგაზრდობის სახლის გოგონათა გუნდმა მსმენელისა და ჟიურის განსაკუთრებული მოწონება დაიმსახურა.

ჟიურის წევრთა შორის იყვნენ ვალერიან შიუკაშვილი, ნინუკა შარაშიძე, მიშო ჯავახიშვილი.

ვულოცავთ ხარაგაულის მოსწავლე-ახალგაზრდობის სახლის კოლექტივს, პედაგოგ დარეჯან გვაძაბიასა და გოგონათა გუნდის წევრებს მორიგ გამარჯვებას და მომავალშიც წარმატებებს ვუსურვებთ.

მოუსმინეთ მოსწავლეთა სახლის გოგონათა გუნდს და ფოლკლორულ ანსამბლს