მიმდინარე წლის 15 და 16 მარტს ხარაგაულისა და ბორითის სამედიცინო დაწესებულებებში ჩატარდება ოფთალმოლოგთა უფასო კონსულტაციები.

ოფთალმოლოგიური მომსახურება ბენეფიციარებს მიეწოდება შემდეგი განრიგით:

  • 15 მარტი – ხარაგაულის სამედიცინო დაწესებულებაში, 12:00 საათიდან 18:00 საათამდე;
  • 16 მარტი – ბორითის სამედიცინო დაწესებულებაში, 12:00 საათიდან 18:00 საათამდე.

ბენეფიციარებს ოფთალმოლოგიურ კონსულტაციას გაუწევენ ხარაგაულის სამედიცინო დაწესებულების ოფთალმოლოგი, ირინა ბიბიჩაძე, ასევე თბილისის „ნიუ ვიჟენი საუნივერსიტეტო კლინიკის“ წამყვანი სპეციალისტები:

  • ბექი ლელაძე – ოფთალმოლოგი;
  • ელენე ბუღაშვილი – ოფთალმოლოგი;
  • ნინო ღუნაშვილი – ოფთალმოლოგი.

უფასო ოფთალმოლოგიური კონსულტაციის ფარგლებში ბენეფიციარებისთვის ხელმისაწვდომი იქნება შემდეგი სამედიცინო მომსახურება:

  • ვიზომეტრია – მხედველობის სიმახვილის განსაზღვრა;
  • რეფრაქტომეტრია – თვალის რეფრაქციის განსაზღვრა;
  • ტონომეტრია – თვალის წნევის გაზომვა;
  • სათვალის შერჩევა – მხედველობის კორექციისთვის;
  • ოფთალმოსკოპია – თვალის ფსკერის დათვალიერება.

ხარაგაულისა და ბორითის სამედიცინო დაწესებულებები მადლობას უხდიან შპს „რეგიონალური ჯანდაცვის ცენტრის“ დირექტორს, ბატონ მამუკა მაჭავარიანს, ასევე მოწვეულ ოფთალმოლოგ სპეციალისტებს გაწეული მხარდაჭერისთვის.

აუცილებელია ვიზიტზე წინასწარი რეგისტრაცია.
ვიზიტის დასაჯავშნად გთხოვთ, დაუკავშირდეთ შესაბამის სამედიცინო ცენტრს:
ხარაგაულის სამედიცინო ცენტრი – 577 597 652;
ბორითის სამედიცინო ცენტრი – 577 480 018.

ფოტოზე: ბორითის კლინიკა