ხარაგაულის მუნიციპალიტეტის სოფლებში მოსახლეობა გზების თოვლისგან გაწმენდას ითხოვს.

ხარაგაულის მერის პირველი მოადგილის, ვარლამ ჭიპაშვილისგან მოპოვებული ინფორმაციით, ამ მომენტისთვის თოვლისგან ტრაქტორით გზები იწმინდება შემდეგ სოფლებში: ლახუნდარა, წყალაფორეთი, დიდვაკე, ქვები, ბრუისი, ღორეშა, ვერტყვილა, ზედა ლაშე, ვაშლევი, საქასრია, ციცქიური, ნადაბური, სხლითი, ვანი, ნებოძირი, მოლითი, ხორითი, სარგვეში, ვახანი.

23-27 თებერვალს ხარაგაულის მუნიციპალიტეტში გადაუღებლად თოვდა. სოფლებში თოვლის საფარი 2 მეტრს აღემატება.

ფოტოზე: სოფელ ბაზალეთის ცენტრალური საავტომობილო გზა