„ხარაგაულის მუნიციპალიტეტის სოფელი წყალაფორეთი ღვთისგან და კაცისგან მიტოვებულია, – ამბობს ამ სოფელში მცხოვრები პედაგოგი გიორგი გველესიანი, – მეოთხე დღეა, არც გზა გვაქვს და არც დენი.

ვარძიის მეოთხე უბანსა და კიცხში დენი მოვიდა, ჩვენ აქედან ვუყურებთ. ალბათ დენი კიდევ ორი კვირა არ გვექნება, რადგან დაზიანება მიუდგომელ ადგილზეა და იქ მისვლას თოვლის დიდი საფარი უფრო აფერხებს.

წყალაფორეთის ცენტრალური გზა არავის გაუწმენდია. მამაკაცებმა სოფლის ცენტრამდე ფეხით და „ლაფატკებით“ გავაკვლიეთ გზა. ადგილობრივი ხელისუფლებიდან ჩვენი ამბავი არავის არ უკითხავს“.

23-27 თებერვალს ხარაგაულის მუნიციპალიტეტში გადაუღებლად თოვდა. თოვლის საფარმა სოფლები 2 მეტრს გადააჭარბა.