ხარაგაულის მუნიციპალიტეტის სოფელ ბაზალეთში ამჟამად ბუნებრივი აირის გარეშე დარჩენილია დევდარიანებისა და ლომსაძეების უბნების მაცხოვრებლები.

ეს ინფორმაცია „სოკარ ჯორჯია გაზის“ წარმომადგენლებმა მოგვაწოდეს.

„სოკარ ჯორჯია გაზის“ თანამშრომლებმა დაზიანებული მილსადენი ბაზალეთში, რკინიგზის უბანში იპოვეს. თოვლის დიდი საფარისა და უგზოობის გამო დაზიანებული მილის შეკეთება, ჯერჯერობით, ვერ ხერხდება.

ბაზალეთში ბუნებრივი აირის გარეშე 60-მდე აბონენტია დარჩენილი. ბაზალეთის მოსახლეობის ნაწილს, ასევე ქროლისა და ღარიხევის მოსახლეობას ბუნებრივი აირი მიეწოდება.