დღეს, 9 იანვარს დაიწყო და 13 იანვრის ჩათვლის გაგრძელდება 2024-2025 სასწავლო წლის ეროვნული სასწავლო ოლიმპიადის მეორე ტური, რომელიც მთელი საქართველოს მასშტაბით ტარდება.

სასკოლო ტურის წარმატებით დაძლევის შედეგად, ოლიმპიადის მეორე ტურში ხარაგაულის მუნიციპალიტეტში მოქმედი სკოლების 32 მოსწავლე მონაწილეობს.

  • 9 იანვარს სასწავლო ოლიმპიადა ქართული ენასა და ლიტერატურაში და ისტორიაში ტარდება;
  • 10 იანვარს – მათემატიკასა და ინგლისურში;
  • 11 იანვარს – ფიზიკასა და გეოგრაფიაში;
  • 12 იანვარს – ქიმიასა და რუსული ენაში;
  • 13 იანვარს – ბიოლოგიაში, გერმანულ და ფრანგულ ენებში.

I სესიაზე რეგისტრაცია იწყება 09:30 საათზე, ხოლო ტესტირება 10:00 საათზე.

II სესიაზე რეგისტრაცია – 14:30 საათზე, ტესტირება კი 15:00 საათზე.

ხარაგაულის მუნიციპალიტეტში ეროვნული სასწავლო ოლიმპიადის მეორე ტური ხარაგაულის #2 საჯარო სკოლის შენობაში ტარდება.

შეფასებისა და გამოცდების ეროვნული ცენტრის წარმომადგენლის, ნანა ჭაბაშვილის ინფორმაციით, სესიები წყნარ, მშვიდ გარემოში მიმდინარეობს. ხარაგაულში ოლიმპიადის მონაწილეებს კარგი პირობები აქვთ შექმნილი თავიანთი ცოდნისა და უნარების გამოსავლენად.

წარმატებებს ვუსურვებთ ეროვნული სასწავლო ოლიმპიადის მონაწილეებს.