პრემიერ-მინისტრმა ირაკლი კობახიძემ მთავრობის ადმინისტრაციაში განათლებისა და მეცნიერების ახალი მინისტრი, ალექსანდრე წულაძე, წარადგინა.

წულაძე უზენაეს სასამართლოში უვადო მოსამართლედ პარლამენტმა 2019 წელს აირჩია. 2023 წლის 29 დეკემბრიდან მან განათლების მინისტრის მოადგილის თანამდებობა დაიკავა.

2024 წლის აგვისტოდან ალექსანდრე წულაძე განათლების ხარისხის განვითარების ეროვნული ცენტრის დირექტორის თანამდებობას იკავებდა.

განათლების მინისტრის თანამდებობა ვაკანტური მას შემდეგ გახდა, რაც 28 სექტემბერს პოსტი გიორგი ამილახვარმა დატოვა.