სოფლის განვითარების სააგენტო მეფუტკრეობის მხარდაჭერ პროგრამებში მონაწილეობის მსურველებს იწვევს.

მეფუტკრეობის მხარდაჭერის პროგრამის ფარგლებში ბენეფიციარი მიიღებს თანადაფინანსებას ერთი სკის ღირებულების არაუმეტეს 50%-ს, მაგრამ არაუმეტეს 70 ლარის ოდენობით. ერთ ბენეფიციარზე თანადაფინანსება არ უნდა აღემატებოდეს 5 000 ლარს.

დეტალური ინფორმაცია პროგრამის შესახებ იხილეთ ბმულზე.

განაცხადები ასევე მიიღება მეფუტკრეობის სასოფლო-სამეურნეო კოოპერატივების მხარდაჭერის პროგრამაში. კოოპერატივებს დაუფინანსდებათ პროგრამით გათვალისწინებული აღჭურვილობის 70%, მაგრამ არაუმეტეს 30 000 ლარისა ერთ ბენეფიციარეზე.

იმ კოოპერატივების შემთხვევაში, რომელთა მეპაიეების არანაკლებ 50%-ს შეადგენენ ქალები, შეზღუდული შესაძლებლობის მქონე პირები ან დევნილები; ასევე, გამყოფი ხაზის მიმდებარე სოფლებში ან მაღალმთიან დასახლებებში რეგისტრირებული კოოპერატივების შემთხვევაში თანადაფინანსება შეადგენს 80%-ს, არაუმეტეს 30 000 ლარისა.

დეტალური ინფორმაცია პროგრამის შესახებ იხილეთ ბმულზე.