საქართველოს საპატრიარქოს ინფორმაციით, იწყება სამოცდამეათე ეტაპი სრულიად საქართველოს კათოლიკოს-პატრიარქ ილია II-ის მიერ ახალდაბადებული მესამე და შემდგომი ბავშვის მონათვლისა.

ნათლობის მსურველთა რეგისტრაცია იწარმოებს საქართველოს საპატრიარქოში 2024 წლის 9 სექტემბრიდან 23 სექტემბრის ჩათვლით 12:00 საათიდან 16:00 საათამდე (შაბათ-კვირისა და საეკლესიო დღესასწაულების გარდა).

რეგისტრაციის მსურველებმა თან უნდა იქონიონ:

  • მშობლების პირადობის მოწმობების ასლები;
  • მშობლების ჯვრისწერისა და ქორწინების მოწმობების ასლები;
  • შვილების დაბადებისა და ნათლობის მოწმობების ასლები;
  • მოსანათლის 2 ფოტო 3X4-ზე დაბეჭდილი CD დისკით;
  • ოჯახის 1 ფოტო 10×15-ზე დაბეჭდილი CD დისკით.

დამატებითი ინფორმაციითვის დარეკეთ ტელეფონით შემდეგ ნომრებზე: 593 90 08 10; 558 65 11 59; 593 46 45 71.

საქართველოს კათოლიკოს-პატრიარქმა ილია II-მ მესამე და შემდგომი შვილის მონათვლა 2008 წლიდან დაიწყო. ამ დრომდე პატრიარქს 47 000-ზე მეტი ნათლული ჰყავს.

წყარო