ხარაგაულის კინოთეატრში ხვალ, 14 აგვისტოს, 16:00 საათზე თოჯინების თეატრის სპექტაკლი „აბა, თაგუნებო!“ გაიმართება.

რეჟისორი ირინე ჩხეიძე ამბობს, რომ სპექტაკლის ჩვენება მაყურებლის თხოვნით გადაწყვიტეს.

„აბა, თაგუნებო!“ მოგვითხრობს მარტოხელა ქალზე, რომელსაც თაგუნები შეეჩვივნენ. ქალბატონმა მათ მოსაგერიებლად ფისო მოიყვანა. ფისო კი თაგუნებს დაუმეგობრდა.

დიასახლისზე გაბრაზებულმა მეგობრებმა სახლიდან წასვლა გადაწყვიტეს, თუმცა, ქალბატონი დაბადების დღეს მარტო არ დატოვეს და გაახალისეს.

ხარაგაულის კინოთეატრის სალაროებში ამ სპექტაკლზე დასასწრები ბილეთები ხვალ, 14 აგვისტოს, დილიდან გაიყიდება. ბილეთის ღირებულება 3 ლარია.

ბილეთების დასაჯავშნად დარეკეთ ტელეფონით შემდეგ ნომერზე: 577 38 37 06.