ნიკო კეცხოველის სასკოლო პრემიის ნახევარფინალში ამ კონკურსში მონაწილე 500 სკოლიდან 171 სკოლა გადავიდა.

ხარაგაულის მუნიციპალიტეტიდან ნიკო კეცხოველის სასკოლო პრემიის ნახევარფინალში გადავიდნენ შემდეგი სკოლების ეკოკლუბები:

  • კიცხის საჯარო სკოლის ეკოკლუბი – „მწავენე ხელები“;
  • ბორითის საჯარო სკოლის ეკოკლუბი – „ეკო მაშველები“;
  • ლაშის საჯარო სკოლის ეკოკლუბი – „დედამიწა ჩვენი სახლია“;
  • ხარაგაულის #2  საჯარო სკოლის ეკოკლუბი – „EKO-მანია“.

ნიკო კეცხოველის სახელობის სასკოლო პრემიის ადმინისტრატორის, ლევან სებისკვერაძის ინფორმაციით, ნახევარფინალი ივლისის დასაწყისში ონლაინპლატფორმა „ზუმის“ მეშვეობით ჩატარდება, კონკურსის ფინალი კი ოქტომბერში იგეგმება.

ნახევარფინალის მონაწილე ხარაგაულელ ეკოკლუბებს კონკურსის შემდგომ ეტაპზე წარმატებებს ვუსურვებთ.

ნახევარფინალში მონაწილე სკოლების სრული სია იხილეთ აქ.

ნიკო კეცხოველის სასკოლო პრემია კავკასიის გარემოსდაცვითი არასამთავრობო ორგანიზაციების ქსელის (CENN) მიერ ხორციელდება პროექტის „ტყის მდგრადი მართვა სოფლის განვითარებისათვის“ ფარგლებში, ავსტრიის განვითარების თანამშრომლობის  ფინანსური მხარდაჭერით. კონკურსის თანაორგანიზატორები არიან გარემოს დაცვისა და სოფლის მეურნეობის სამინისტრო, განათლებისა და მეცნიერების სამინისტრო და საქართველოს პარლამენტი.