ხარაგაულის სპორტისა და შიდა ტურიზმის ცენტრის მიერ ორგანიზებული ფოტო კონკურსის – „ჩვენი გაზაფხული ხარაგაულში“ გამარჯვებულები ცნობილია.

კონკურსი ხარაგაულის მუნიციპალიტეტში მოქმედი სკოლების მოსწავლეებისთვის იყო გამოცხადებული. ერთ მოსწავლეს მხოლოდ ერთი ფოტოს გაგზავნა შეეძლო. კონკურსში 79 მოსწავლე ჩაერთო.

I ადგილი გვანცა არევაძემ (ვახანის საჯარო სკოლა) დაიკავა. მისმა ფოტომ, კონკურსის პირობების თანახმად, სოციალურ ქსელში ყველაზე მეტი მოწონება დაიმსახურა.

II ადგილის მფლობელი ჟიურიმ გამოავლინა – მარი პაქსაშვილი (ვერტყვიჭალის საჯარო სკოლა).

გამარჯვებულთა დაჯილდოება ორშაბათს, 8 აპრილს, 11:00 საათზე ხარაგაულის სპორტისა და შიდა ტურიზმის ცენტრში შედგება.

ფოტოზე: გვანცა არევაძისა და მარი პაქსაშვილის მიერ გადაღებული გაზაფხული