ამის შესახებ ინფორმაციას „ბიბლუსის“ ოფიციალური გვერდი აქვეყნებს:

„გვინდა სიხარულით გაცნობოთ, რომ გიორგი კეკელიძე ბიბლუსის გუნდს შემოუერთდა.

გიორგი, როგორც ბიბლუსის შემოქმედებითი დირექტორი, გუნდთან ერთად „წიგნიერების გამავრცელებელ საზოგადოებას“ დააფუძნებს, რომელიც ქართული სოფლების სკოლებისა და ბიბლიოთეკების წიგნებითა და კომპიუტერებით მომარაგებას მოემსახურება.

ბიბლუსის გუნდისთვის ძალიან მნიშვნელოვანია წიგნიერების ამაღლება და გავრცელება და წარმატებებს უსურვებს გიორგის, რომლის მიზნებიც საერთოა „ბიბლუსის“ მიზნებთან.

ერთობლივი ძალებით ბევრ საინტერესო და შთამბეჭდავ სიახლეებს გპირდებით“.

შეგახსენებთ, რომ გიორგი კეკელიძემ 16 იანვარს საქართველოს ეროვნული ბიბლიოთეკის დირექტორის თანამდებობა, როგორც თავად წერს, პარლამენტის თავმჯდომარის მოთხოვნით, დატოვა.