ხარაგაულის #1 და #2 საბავშვო ბაღებში სასწავლო-სააღმზრდელო პროცესი დღეს, 15 იანვარს, განახლდა. ეს ინფორმაცია სკოლამდელ დაწესებულებათა გაერთიანებიდან მოვიპოვეთ.

გაერთიანების დირექტორის, თამარ ლაცაბიძის ინფორმაციით, ხარაგაულის მუნიციპალიტეტში მოქმედ დანარჩენ 19 საბავშვო ბაღში ზამთრის არდადეგები 22 იანვრამდე გრძელდება.

თამარ ლაცაბიძე ამბობს, რომ ეს გადაწყვეტილება აღსაზრდელთა მშობლების წინასწარი გამოკითხვის შემდეგ მიიღეს, – მშობელთა უმრავლესობა, ცუდი ამინდებისა და გავრცელებული ვირუსების გამო, შვილების საბავშვო ბაღში მიყვანისგან თავს იკავებს.

ფოტოზე: ხარაგაულის #1 საბავშვო ბაღი