მასწავლებელთა პროფესიული განვითარების ეროვნული ცენტრი ცხადებს საჯარო სკოლის ფიზიკის მასწავლებლების კონკურსს შვეიცარიის ქ. ჟენევაში მდებარე ბირთვული კვლევების ევროპულ ცენტრში (CERN -European Organization for Nuclear Research) ერთკვირიან სტაჟირებაზე გასაგზავნად.

კონკურსის შედეგად შეირჩევა ფიზიკის მასწავლებლები საჯარო სკოლებიდან. მათ სტაჟირებას სრულად დააფინანსებს სსიპ მასწავლებელთა პროფესიული განვითარების ეროვნული ცენტრი.

სტაჟირება დაგეგმილია 2024 წლის 17-24 მარტს.

კონკურსის პირობები:

კონკურსში მონაწილე:

1. უნდა იყოს საჯარო სკოლის მოქმედი, ფიზიკაში სერტიფიცირებული პედაგოგი (უფროსი, წამყვანი ან მენტორი);
2. უნდა ჰქონდეს დადასტურებული საგნობრივი ცოდნა ფიზიკაში (ფიზიკის საგნობრივ სასერტიფიკაციო გამოცდაზე გადალახული ჰქონდეს 60%-იანი ზღვარი);
3. არ უნდა იყოს ნამყოფი ზემოხსენებულ კვლევით ცენტრში სსიპ მასწავლებელთა პროფესიული განვითარების ეროვნული ცენტრის სტაჟირების პროგრამის ფარგლებში;

კანდიდატების შერჩევა მოხდება ორ ეტაპად:

1. დოკუმენტაციის გადარჩევა;
2. გასაუბრება: პრეზენტაცია და მისი განხილვა (პროექტის შეფასება);

საჭირო დოკუმენტაცია:

1. CV ქართულ ენაზე;
2. პირადობის მოწმობის ასლი;
3. დიპლომის ასლი;
4. სამოტივაციო წერილი

კონკურსზე წარსადგენი მასალა:
ა) სკოლაში მოსწავლეებთან ერთად განხორციელებული სასწავლო პროექტი ფიზიკაში ან ინტეგრირებული ფიზიკასთან; უნდა გამოგზავნოთ პროექტის აღწერა, განხორციელების და საბოლოო პროდუქტის ამსახველი ფოტო ან ვიდეომასალა; გასაუბრებაზე პროექტის წარდგენის ხანგრძლივობა 5-8 წუთი;
ბ) პრეზენტაცია Power Point-ის სახით (8-10 სლაიდი/ თხრობის ხანგრძლივობა 8-10 წუთი)

პრეზენტაციაში წარმოდგენილი უნდა იყოს ქვემოთ ჩამოთვლილი სარეკომენდაციო საკითხებიდან ერთ-ერთი:
1. სამყაროს წარმოშობისა და განვითარების თანამედროვე მეცნიერული თეორიები;
2. ელემენტარული ნაწილაკების კლასიფიკაცია და მათი ურთიერთქმედებების აღწერა;
3. ახალი აღმოჩენები ფიზიკაში და მათი მნიშვნელობა;
4. ცერნი – მისია, დანიშნულება, ექსპერიმენტები;

პრეზენტაცია და ზემოთ ჩამოთვლილი დოკუმენტაცია უნდა გააგზავნოთ ელექტრონულ მისამართზე: intershiptpdc1@gmail.com ;

წარდგენის ვადა: 08.01.2024-31.01.2024

შენიშვნა: აჭარის რეგიონის ფიზიკის მასწავლებლები უნდა გამოეხმაუროთ აჭარის მასწავლებლის სახლის მიერ გამოცხადებულ
ანალოგიურ კონკურსს.

წყარო