2024 წლის პირველი იანვრიდან სურსათის ეროვნული სააგენტოს მომსახურების ვადები და საფასური იცვლება.

საქართველოს მთავრობის №471 დადგენილებით, ცვლილება შეეხება შემდეგ მომსახურებებს:

  • ვეტერინარულ კონტროლს დაქვემდებარებული პროდუქციისა და ფიტოსანიტარიულ კონტროლს დაქვემდებარებული მცენარეული წარმოშობის პროდუქციის იმპორტის/ტრანზიტის ნებართვა;
  • ვეტერინარული, ფიტოსანიტარიული, ჰიგიენური სერტიფიცირება;
  • ცხოველთა საკარანტინო ვეტერინარული ზედამხედველობა;
  • ვეტერინარული პრეპარატის, პესტიციდებისა და აგროქიმიკატების რეგისტრაცია;
  • წყლის სასაქონლო პროდუქციისთვის კატეგორიის მინიჭება; კონსულტაცია და ა.შ.;
  • ვეტერინარული ზედამხედველობა და ვეტერინარული შემოწმების საფუძველზე შესაბამისი დოკუმენტის გაცემა.

ახალი ტარიფები და ვადები შესაბამისობაშია მომსახურების გაწევისთვის საჭირო ადამიანურ რესურსსა და ფინანსურ დანახარჯებთან.

ეს ცვლილება ხელს შეუწყობს მომსახურებების ეფექტიანობის ზრდას და დაინტერესებულ პირთა მოთხოვნების დაკმაყოფილებას.

იმის გათვალისწინებით, რომ ხშირია მომსახურების გაწევის მოთხოვნა არასამუშაო საათებში, პირველი იანვრიდან, შაბათ-კვირა ან უქმე დღეს დაემატება მომსახურების გაწევა არასამუშაო საათებში.