რეზო თაბუკაშვილის სახელობის ლიტერატურული თეატრის ორგანიზებით, ხარაგაულში 14-15 ოქტომბერს სამხატვრო პლენერი „გამა“ გაიმართა.

ამ პლენერში წელს 39 ხელოვანი ჩაერთო. მათგან 33 მხატვარი, 2 ფოტოხელოვანი, 3 საოპერო მომღერალი და ერთი კომპოზიტორი. ხელოვან სტუმრებს მუნიციპალიტეტის სხვადასხვა სოფლებში ოჯახებმა უმასპინძლეს. 33 მხატვრიდან სამი ხარაგაულელი მხატვარი გახლდათ – ზეინაბ ბუაჩიძე, რუსუდან ფოჩხუა და ნუგზარ ლაცაბიძე.

„წელს პლენერი „გამა“ მეშვიდედ ჩატარდა, – ამბობს ლიტერატურული თეატრის ხელმძღვანელი იზა ვეფხვაძე, – მხატვრები ერთი დღით ხარაგაულის სოფლებს სტუმრობენ და ფერწერულ ტილოებს ქმნიან, ხარაგაულის თემაზე. შემდეგ კი, ტრადიციულად, საკუთარ ნამუშევრებს ლიტერატურულ თეატრს ჩუქნიან.

შვიდი წლის განმავლობაში პლენერზე „გამა“ 183 ფერწერული ტილო შეიქმნა.