საავტომობილო გზების დეპარტამენტის სატენდერო კომისიამ შპს „New Road“ გამარჯვებულად გამოაცხადა და ტენდერისთვის საჭირო დოკუმენტაციის წარდგენა დაავალა.

„New Road“ ამ ტენდერში მონაწილე ერთადერთი კომპანიაა. ეს მშენებელი ორგანიზაცია მოლითი-ფონა-ჩუმათელეთის საავტომობილო გზის რეაბილიტაციას 96 309 131 ლარად გეგმავს. ტენდერი სწორედ ამ თანხაზეა გამოცხადებული.

ამ გზის მშენებლობა ხელშეკრულების გაფორმებიდან 2 წელში უნდა დასრულდეს. 

მოლითი-ფონა-ჩუმათელეთის საავტომობილო გზა რიკოთის ავტობანის ალტერნატიულია. ამ გზის რეაბილიტაცია სასიცოცხლოდ მნიშვნელოვანია ჩხერიმელას ხეობის მიმდებარე სოფლების მოსახლეობისთვის.