დღეს, 19 მაისს, სკოლებში მეთორმეტე კლასელებისთვის „ბოლო ზარი“ დაირეკა. საზეიმოდ გამოწყობილი გოგო-ბიჭები დასკვნითი ღონისძიებებისთვის ემზადებოდნენ და თეთრ მაისურებზე ერთმანეთს სურვილებს უწერდნენ.

ხარაგაულის მუნიციპალიტეტში მოქმედ 21 საშუალო სკოლაში სწავლა 189 მოსწავლემ დაამთავრა. ხარაგაულის საგანმანათლებლო რესურსცენტრიდან მოპოვებული ინფორმაციით, ხარაგაულის 2022-2023 სასწავლო წლის კურსდამთავრებულებიდან 40 მედალოსანია.

წარმატებულ მომავალს ვუსურვებთ ხარაგაულელ კურსდამთავრებულებს.