ტვირთის გადაზიდვისთვის სხვადასხვა ტექნიკური საშუალება გამოიყენოს და დასაქმებული მძიმე ტვირთის ხელით აწევისგან მაქსიმალურად დაიცვას. იქ, სადაც ეს შეუძლებელია, დამსაქმებელი ვალდებულია, მიიღოს სათანადო ორგანიზაციული ზომები, გამოიყენოს შესაბამისი საშუალებები ან უზრუნველყოს დასაქმებულები ასეთი საშუალებებით, რათა შემცირდეს ტვირთის ხელით აწევასთან დაკავშირებული რისკები;

სამუშაოს სპეციფიკის გათვალისწინებით, თუ ეს შესაძლებელია, წინასწარ შეაფასოს ჯანმრთელობისა და უსაფრთხოების პირობები და შეისწავლოს ტვირთის მახასიათებლები;

მიიღოს შესაბამისი ზომები დასაქმებულთა ჯანმრთელობის (განსაკუთრებით ზურგის) დაზიანების რისკის თავიდან ასაცილებლად ან შესამცირებლად და ამ მიზნით გაატაროს შესაბამისი ღონისძიებები სამუშაო გარემოს მახასიათებლებისა და სამუშაოს სპეციფიკის შესაბამისად.

რეგლამენტში ნათქვამია, რომ ტვირთის სიმძიმის გარდა, დასაქმებულის ჯანმრთელობა საფრთხეს შესაძლოა სამუშაო გარემოც უქმნიდეს, მაგალითად:

  • არ არის საკმარისი სივრცე ტვირთის გადასაადგილებელი მოქმედებების განსახორციელებლად, განსაკუთრებით – ვერტიკალურად ტვირთის გადაადგილების დროს;
  • იატაკის ზედაპირი უსწორმასწორო ან სრიალაა, რაც ქმნის წაბორძიკების/წაქცევის ან ფეხსაცმლის ასრიალების რისკს;
  • სამუშაო ადგილი ან სამუშაო გარემო არ იძლევა ტვირთის უსაფრთხო სიმაღლეზე აწევის ან დასაქმებულის მოსახერხებელ მდგომარეობაში მოძრაობის საშუალებას;
  • იატაკის დონე ან სამუშაოს ზედაპირი არის მრავალდონიანი, რაც განაპირობებს ტვირთის სხვადასხვა სიმაღლეზე გადაადგილებას;
  • იატაკი ან ფეხის სადგამი არამყარია;
  • ტემპერატურა, ტენიანობა ან ვენტილაცია არ შეესაბამება სამუშაო პირობებს.

დარღვევებზე ჯარიმა იმოქმედებს, რომლის მოცულობა ბიზნეს სუბიექტის ბრუნვაზეა დამოკიდებული.

ახალი სტანდარტები საქართველოს მთავრობამ ევროკავშირთან ასოცირების ხელშეკრულებით ნაკისრი ვალდებულების თანახმად შეიმუშავა. კანონის  შესრულებას შრომის ინსპექცია გააკონტროლებს.