თბილისში, პროფკავშირების კულტურის ცენტრში, 23 აპრილს ქორეოგრაფიული ფესტივალი „გაზაფხულის რიტმები 2023“ გაიმართა.

ამ ფესტივალში ხარაგაულის კულტურის და ხელოვნების ცენტრთან არსებული ქორეოგრაფიული ანსამბლი „მთიელი“ (ხელმძღვანელი რომან ბუაჩიძე) მონაწილეობდა.

ანსამბლი მაყურებლის წინაშე ორი ცეკვით „აჭარული“ და „მთიულური“ წარსდგა. ფესტივალში მონაწილეობისთვის „მთიელს“ დიპლომი და მედალი გადაეცა.

ფესტივალს ყოველწლიურად საქართველოს ქორეოგრაფთა კავშირი ატარებს და მასში საქართველოს სხვადასხვა რეგიონის ქორეოგრაფიული ანსამბლები მონაწილეობენ.