2023 წლის ერთიანი ეროვნული გამოცდებისათვის რეგისტრაცია დასრულდა.

შეფასებისა და გამოცდების ეროვნული ცენტრის ინფორმაციით, 2023 წლის ეროვნული გამოცდებისთვის, გასულ წლებთან შედარებით, აბიტურიენტთა რეკორდული რაოდენბა დაფიქსირდა – ერთიანი ეროვნული გამოცდებისათვის 45 000-ზე მეტi აბიტურიენტია დარეგისტრირებული.

აბიტურიენტების საყურადღებოდ

ერთიან ეროვნულ გამოცდებში მონაწილეობის მსურველებს საგნის შეცვლა ან დამატება, ასევე გამოცდის ენის შეცვლა 13 აპრილის 18:00 საათამდე, საგანმანათლებლო პროგრამების ჩამონათვალში ცვლილებების შეტანა კი აპელაციის შედეგების გამოქვეყნებიდან მომდევნო დღის 18:00 საათამდე შეეძლებათ.

თუ აბიტურიენტს გამოცდის დროს ესაჭიროება სპეციალური პირობების/სპეციფიკური საგამოცდო გარემოს შექმნა და რეგისტრაციის დროს მონიშნა შესაბამისი გრაფა, ჯანმრთელობის მდგომარეობის შესახებ შესაბამისი ცნობა (ფორმა №100) განაცხადთან ერთად უნდა წარმოადგინოს შეფასებისა და გამოცდების ეროვნულ ცენტრში 13 აპრილის 18:00 საათამდე.

წყარო