დღეს, 5 აპრილს, ხარაგაულის #2 სკოლა საქველმოქმედო გამოფენა-გაყიდვაზე გვეპატიჟება.

ხელნაკეთი ნივთების გამოფენა-გაყიდვა ხარაგაულის კინოთეატრის ფოიეში 12:00 საათიდან დაიწყება. აქციის ორგანიზატორები გეგმავენ, რომ შემოსული თანხით სააღდგომოდ რამდენიმე ხელმოკლე ოჯახს დაეხმარონ და დღესასწაული გაულამაზონ.

თითოეული გასაყიდი ნივთი შექმნილია დიდი სიყვარულით ბავშვებისა და დიდების მიერ.

საქველმოქმედო აქციის წარმატება ჩვენს მონდომებაზეა დამოკიდებული. აღდგომას ბევრი ოჯახი უნდა შეხვდეს ტკბილი და ხვავრიელი სუფრით.