დღეს, 2 მარტს, ხარაგაულის მოსწავლე-ახალგაზრდობის სახლში დედის დღისადმი მიძღვნილი ღონისძიება ჩატარდა.

ღონისძიებაში საესტრადო მუსიკისა და მხატვრული კითხვის წრეების მოსწავლეები მონაწილეობდნენ.

მოსწავლეებმა წრეების პედაგოგებთან – დარეჯან გვაძაბიასთან და ლალი შარაშიძესთან ერთად დედებისადმი მიღვნილი სიმღერები და ლექსები შეასრულეს. წარმოადგინეს რამდენიმე მხატვრული ნომერი და დედებს 3 მარტი მიულოცეს.

ღონისძიების ბოლოს მოსწავლე-ახალგაზრდობის სახლის მიერ გამოცხადებული კონკურსის „სიცოცხლის საწყისი“ საუკეთესო ვიდეორგოლების ავტორები გამოვლინდნენ. კონკურსში რვა მონაწილე ჩაერთო.

სოციალურ ქსელში ყველაზე ბევრი მოწონება ვერტყვიჭალის საჯარო სკოლის X კლასის მოსწავლე მარიკა ბარბაქაძის მიერ მომზადებულ ვიდეორგოლმა დაიმსახურა, ხოლო ჟიურის გადაწყვეტილებით  ხარაგაულის გიმნაზიის მოსწავლეების გიორგი მდივნიშვილისა და ნათია კაციტაძის მიერ მომზადებულმა ვიდეორგოლმა გაიმარჯვა.

გამარჯვებულებს მოსწავლე-ახალგაზრდობის სახლისგან საჩუქრები გადაეცათ.

თამთა გოგოლაძე